कार्यकर्ता

आता थोडी रम घ्यावी म्हणतो

चकण्या सोबत गम चाखावा म्हणतो

संडे सॅटरडेचा बहाणा उगा कशाला सांगू

रोज एकदा गच्चीवर बसावं म्हणतो

टल्लं होऊन एकदा होऊ जगाचे शेर

बकरीचं जिणं आता सोडावं म्हणतो

घरावर तुळशीपत्र ठेऊन मी स्वतःला बरबाद केले

हे आमच्याच माना मुरगाळून तालीवार झाले

घेतले अनेक झेंडे केल्या अनेक दंगली

कार्यकर्त्याचा हा वेश त्यागून खादी मी घालावी म्हणतो

विकला यांनी बळीराजा अन् फुलविले भांडवलदारांचे मळे

जय जवान जय किसान घोषणा कशाकरिता जाब यांना विचारावा म्हणतो

मोठे झाले बंगले यांचे पण देशाला यांनी कंगाल केले

उतरून एकदा मैदानात समोरासमोर लढावं म्हणतो

उद्याचे आधारस्तंभ म्हनून आज यांनी मला बेरोजगार केले

ध्यानात राहावा हा दिवस म्हणून एकदा डिपॉझिट यांचं जप्त करावं म्हणतो

बाहेरून यांचा आतून त्यांचा पाठिंबा हा हमखास असतो

आम्ही मेलो डाव्या उजव्यातच म्हणून एकदा यांना "मधला" करावा म्हणतो

सगळ्यांनाच चढली अफूची नशा त्यांचे खोटे यांनी खरे केले

लाज वाटते सुशिक्षित असल्याची म्हणून एकदा स्वतःवरच वार करावा म्हणतो