जीव माझा जडला

भोळे मन माझे

असे तु काय केले

वारंवार उसळते

काहीतरी घडून गेले

तुझ्याविना रहाणे

आता अवघड वाटते

समोर तुला बघताच

जीवाची धडधड वाढते

तुझ्या जादूची किमया

सभोवतार पसरली

पाठमोरी वा सामोरी

सतत छबी तुझी दिसली

तुझे मिठीतले घेणे 

आठवून बेचैन करते

तु दिलेल्या भेटींना

अनाहुतपणे स्पर्श करते

 

मनातले खोल भाव

भवरे बनून फिरवतात

बुडवून वर काढण्याचा

अजब वेडेपणा करतात

विक्षिप्तपणा वेडेपणा

तुझ्यामुळेच घडला

कबुल करते तुझ्यावर 

जीव माझा जडला