लाइब्रेरी
प्रोफाइल
गाव अजून तसांच आहे
गाव अजून तसांच आहे
1 min
283
गाव अजून तसाच आहे
पार फक्त ढासळला आहे
काठी टेकत म्हातारा
कधी शेतात जुंपलाय
कधी ढोरांमागे धडपडलाय
नको तेवढा खंगलाय
पण गाव अजून तसाच आहे
पार फक्त ढासळला आहे
गुंतामायच्या डोक्यावर
बायको सोडून गेलेल्या
पोराचं ओझ आहे
पोराला सावरता सावरता
घर कधीच ढासळलय
पाऊस मात्र कोसळतोय
पण गाव अजून तसाच आहे
पार फक्त ढासळला आहे
गढीवर गवऱ्या थापायच्या
तेवढे मात्र बंद झाले
कारण अंगण गोठा
सारे सारे मुक झाले
गावठाणातील झाडांचा
कधीचाच धूर झाला
डोळ्यांदेखत माळरान
चकणाचूर झाला
पण गाव अजून तसाच आहे
पार फक्त ढासळला आहे
