एकदा ती ती दिसली होती

एकदा ती ती दिसली होती, तशी पुन्हा दिसलीच नाही… 

खळी पाडुनी हसली होती, तशी पुन्हा हसलीच नाही … 

वाळूत स्वप्नांचे मनोरे बांधीत मज सोबती, 

किनारयावर बसली होती, तशी पुन्हा बसलीच नाही…  

बोलता बोलता तिला स्पर्श मी केला जरासा, 

लटके तेव्हा रुसली होती, तशी पुन्हा रुसलीच नाही … 

सरीवर सरी पावसाच्या झेलल्या अंगावरी,

मजसवे ती भिजली तशी, सर पुन्हा बरसलीच नाही …

त्या भेटीच्या आठवणीने मन माझे होते व्याकुळ,

तिला न काही आठवे, खंत तिला कसलीच नाही….