चित्त नेले चोरून....
चित्त नेले चोरून....
पहिल्याच भेटीत सखे मज गं
घायाळ गेलीस करून ।
रिक्त झाली काया माझी
तुने चित्त नेले चोरून ।।धृ।।
आली समोरून अशी तू गं
जणू काही स्वर्गपरी ।
मोहित झाले नयन माझे
शिरली तू गं अंतरी ।
अकल्पित घडले हे गं सखे
गेलो मी तुला सारे हरून ।
रिक्त झाली काया माझी
तुने चित्त नेले चोरून ।।१।।
कर्ण मधुर वाणी तुझी
वाटे बोलत राहावे तुझ्याशी ।
धन्य होईल मी जर का तूने
प्रितीचे नाते जोडले माझ्याशी ।
ठेवले तुझ्या रुपाला मी
नयनी माझ्या भरून ।
रिक्त झाली काया माझी
तुने चित्त नेले चोरून ।।२।।
मनमोहिनी तू,चित्तहरीनी तू
आहेस लावण्याची राणी ।
बघून तुझ्या रुपाला गं
दूर होते सारी ग्लानी ।
जपून ठेव माझ्या चित्ताला तू
जाईल नाहीतर मी मरून ।
रिक्त झाली काया माझी
तुने चित्त नेले चोरून ।।३।।