बावरे मन माझे

 कसे सांगू तुला मी

 मन हे माझे बावरे

कधी येशील जवळी

सख्या भेटण्या धावरे

बावरे मन माझे

लागे न लक्ष कशात

कसे समजावू मनाला

जीव गुंतला तुझ्यात

वा-याची झुळूक ही 

अलगत स्पर्शूनी जाता

सांगे कानात सांगावा

तुझ्या येण्याचा आता

बघ तो चंद्र नभीचा

त्याला आहे जाणीव

माझ्या मनाची त्याला

कळतेय ती उणीव

वाट पहाण्याची सख्या

वेड्या मनाची रीत

बघ सांजवेळ झाली

धुंद मनी झाली प्रीत