बाप

या जगात शब्द नाही

बापावर लिहायला

किती दुःख झेलतो

पण सांगत नाही कोणाला

मारून स्वतःच्या इच्छांना 

दिवस रात्र राबतो

फक्त आपल्या मुलाच्या सुखासाठी

अख्ख आयुष्य पणाला लावतो

कितीही संकटे येऊ द्या

पण पाय त्याचे डगमगतील नाही

मुलाच्या पाठीशी खंबीर उभा

या जगात दुसरा कोणी नाही

नाही कुठली अपेक्षा

मुल उतरत्या वयात वागवेल 

कर्तव्य त्यांचे इतके मोठे

त्या देवालाही लाजवेल

शेवटच्या श्वासापर्यंत काळजी एकच

फक्त आपल्या मुलाची

तरी पुन्हा नव्याने हसत जन्म घेतो "बाप"

फक्त आपल्या मुलासाठी