लाइब्रेरी
प्रोफाइल
आम्ही वारकरी
आम्ही वारकरी
1 min
266
घेऊनी हरीनाम मुखी
चालतो पंढरीची वारी
विठ्ठल येतो साथीला
कष्ट मिटवितो सारी
चंद्रभागे तिरी कर कटावरी
घातले जरतारी पिवळे पितांबर
दिसे सुंदर रूप, विठ्ठल नामाच्या
जयघोषाने दुमदुमले हे अंबर
वारीमध्ये भक्तांचा
फुगड्यांचा चाले खेळ
ब्रह्मानंदी टाळीचा
घातला सुरेख मेळ
दर्शन घेता विठ्ठलाचे
डोळे भरूनिया येती
नित्यनेमाने माय लेकरू
ते भक्ती रसात न्हाती
शोभे डोईवरी छान
स्त्रियांच्या तुळशी वृंदावन
पाहूनिया भक्तांचा सोहळा
सर्वांचे भरून येई मन
दुःख चिंता मिटतील दर्शनाने
मनी लाभेल समाधान
आषाढी कार्तिकी एकादशीला
वारीत आनंदाला येते उधाण
