आला पाऊस आला (अष्टाक्षरी)

ओला सुगंध मातीचा

गेले आभाळ झाकुनी

भासे प्रहर रातीचा ।

वाहे वादळी वारा तो

जसा निधड्या छातीचा ।

कुठे पडली वीज ती

झाला प्रकाश वातीचा ।

सरी सूटल्या नभात

भिजे देह धरतीचा ।

धरा झाली ओली चिंब

पडे पाऊस प्रीतीचा ।

नाही फुलला मोगरा

ओला सुगंध मातीचा ।

बळी राजा सुखावला

आहे तोच हिमतीचा ।

साथ नको सोडू आता

भार झेलतो शेतीचा ।

स्वप्न बघतो डोळ्यात

शेतकरी तो जातीचा ।

सज्ज तो जाहला द्याया

नारा हरित क्रांतीचा ।