പ്രണയം

പരിണാമം ❤️❤️

പ്രണയത്തിന്റെ തീവ്രത എറികഴിഞ്ഞാൽ..
പിന്നെ മൌനത്തിൽ പുതപ്പിൽ കുറേനാൾ 
തപസ്സിരിക്കും.
ചുറ്റും ശൂന്യത നിറഞ്ഞാൽ പിന്നെ,
ഉള്ളിലേക്ക് മാത്രം നോക്കി വെറുതെ യിരിക്കും.
അതും കഴിഞ്ഞാൽ പിന്നെ,
നഷ്ടപ്പെടൽ വെറുമൊരു മരീചികയാവും!
അവിടുന്ന് പിന്നൊരു ജീവൻ വയ്ക്കലാണ്..
കാണുന്ന എന്തിലും സ്നേഹം തിരയുന്ന മനസ്സ്,..
അനുപമ സ്നേഹത്തിൻ മഴവില്ല് ചാലിച്ചു 
തുന്നുന്നതെന്തും..
നിറചാർത്താൽ.. മോഹനമാവും.
നഷ്ടങ്ങൾ മായയാണെന്നും, തിരഞ്ഞു അലഞ്ഞതെല്ലാം..
ഉള്ളിൽ നിറഞ്ഞിരിക്കുന്ന പ്രണയ ഗർഭമാണെന്ന തിരിച്ചറിവിൽ,
കൂടുതൽ പച്ചപ്പേകി സ്വയം നിറയലാണ്..
കൂടുതൽ സൗന്ദര്യം മനസ്സിനെ പിന്നെ 
അലയാൻ വിടില്ല...
നഷ്ടങ്ങൾ നിനക്കല്ലായെന്നും 
അപ്രിയമായ ഇടങ്ങളെല്ലാം,
മനസ്സിന്റെ സ്വാതന്ത്യമാണെന്ന തിരിച്ചറിയലുകളാണ്...
ഉദിച്ച സൂര്യനെ പോലെ നിനക്കു തിളങ്ങാനാകും..
വജ്രം പോൽ ഉള്ളിൽ നിന്നും പരക്കുന്ന 
സ്നേഹചൂടിൽ, ചുറ്റുമുള്ളവർ മയങ്ങുന്ന 
വിസ്മയ കാഴ്ച്ച..
നിന്നെ ആകാശത്തോളം ഉയർത്തും.
നിന്റെ മൂല്യം അളക്കാനാവാത്തതെന്ന്,
നീ മഹത്വപെടും.
ദൈവം നീയായി പരിണമിക്കുന്ന,
അപൂർവ, സുന്ദര നിമിഷങ്ങൾ...
പ്രണയത്തിൽ നിന്നും സ്നേഹത്തിലേക്കുള്ള 
പരിവർത്തനം.
പരിണാമത്തിന്റെ സത്യത്തിൽ നീ വീണ്ടും 
മഴവില്ലാകും. ❤️❤️

മിഴി മൊഴി ❤️