ಆ ದಿನದ ಗಮ್ಮತ್ತು...

ಆ ದಿನದ ಗತ್ತು ಗಮ್ಮತ್ತೆ ಬೇರೆ !

ಅದೆಲ್ಲೋ ದೂರದಲ್ಲಿ ಸಮುದ್ರವೊಂದು

ಭೋರ್ಗರೆಯುತ್ತಿರುವ ಸದ್ದು ಕಿವಿಪಟಲಗಳಿಗೆ ಅಪ್ಪಳಿಸುತ್ತಿತ್ತು

ಅದು ಸೂರ್ಯ- ನಿರ್ಗಮನದ, ಚಂದ್ರನಾಗಮನದ ಹೊತ್ತು

ಮನೆಸೇರುವ ಹಕ್ಕಿಗಳ ಚಿಲಿಪಿಲಿ ಶುರುವಾಗಿ ಕೊನೆಗೊಂಡರೂ

ನಮ್ಮಲ್ಲೇಕೋ ಈ ಸಿಹಿ ಮೌನ

ನನ್ನವಳು ಅಪ್ಪುಗೆ ಸಡಿಲಿಸಿ, ಕಣ್ಣರಳಿಸಿದಳು

ಸಮಯದ ಜ್ಞಾತವಾಗಿ ನಸುನಕ್ಕಳು, ಮತ್ತೆ ಅಪ್ಪಿದಳು

ಅಂದು ತುಟಿಗಳು ಅರಳಿದವು, ಮಿಂದವು,

ನಲಿದವು, ಅಗಲಿದವು

ಮತ್ತೇ ಅದೇ ನೀರವ ಸಿಹಿಮೌನ

ಆಹಾ! ಆ ದಿನದ ಗತ್ತು ಗಮ್ಮತ್ತೆ ಬೇರೆ...