Almora Uttrakhand School trip Binsar aur kasar devi ki sacchi Ghatna.

Yeh baat tab ki h jab main 10th -11th class mein thi. Mera naam payal h. Waise toh mein Almora ( Uttrakhand)  ki rahne wali hu aur taha ke thande mausam , devdar ke ghane jangal aur pahadan ki shanti maine bachpan se dekhi h lekin us ek school trip ne meri zindagi ko Kuch ghanto ke liye ek bahut khaufnak mod par la kr khada kar diya tha. Baat sardiyon  ke shuruati dino ki h. Hamara school ki taraf se hum sabhi bacho ko Almora ke sabse famous tourist aur picnic spot Binsar wildlife Sanctuary aur kasar Devi temple ke ek din ke educational trip par le jaya gaya tha. Subah se hum sabhi bache bahut excited the. Humne kasar Devi mein himalaya range dekhi, zero point ke paas nature walk ki aur poore picnic spot mein phototaking aur masti ki. Dopahar tak sab Kuch bahut acha chal rha tha. Lekin jaise -- jaise sooraj dhalne laga, Binsar ke un ghane devdar aur baanj ke  jugalo mein sannata gharaya hone laga. Uttrakhand ke logo main yeh baat aaj bhi maani jati h ki shaam dhalne ke  baad inn ghane forest ranges aur puraani pahadiyo par akele nhi guzarna cahiye, kyonki us waqt oopari hawayein aur aatmaayein  jaag uthi hai. Trip ki bus mein sabhi bacho ke baithne se phle se thik phle meri ek friend ka rumaal jugal ke  raaste par ek purane vriksh ke paas choot gaya. Mein bina kisi teacher ko bataye chupchaap use lene  peeche chali gayi. Sooraj dhal chuka tha aur charo tarf halka kohra phailne laga tha. Jungle ke us mod par pahunchte hi muhje laga  jese hawa ekdam bhaari ho gayi h. Tamaam achanak Bahut gir gya. Tabhi mujhe peeche se kisi ke ghungroo ki aawaz sunai di... Chan-chan... Chan-chan... Meine peeche mudakar dekha, lekin waha koi nhi tha. Sirf sookhi pattiya ku aawaaz aa rhi thi. Ghabrahat mein jese hi mein bus ki tarf daudi, mujhe laga  kisi ne bahut jor se meri gardan par thandi phook maari ho. Meri taange kaampne lage saas phoolne lagi aur eye sight bhaari hone lagi. Mujhe laga koi adrishya cheez mere sharir par haavi ho rhi h. Mein kisi tarah bhaagte hue bus tak pahunchi lekin bus mein baithte hi mein behosh ho gayi. Ghar pahunchne tak meri haalat bahut bigad chuki thi. Mujhe tez bukhar aa gaya tha, sharir bahut garam ho gaya tha aur main ajeeb ajeeb bhasha mein badbadane lagi thi. Doctor ko dikhaya gaya, dawaiya di gayi, lekin dawai se mujhe koi bhi aasar nhi ho rha tha.. Tabhi hamare gaon ke buzurgon ne kaha ki doctor ki dawai yaha kaam nhi karegi, payal par jungle ke kisi oopari cheez ka saaya pad gaya h. Pahadon mein sadiyo se hamare kuldevta aur chitai golu devta ki parampara chalti aa rhi h. Jab science bhi haar jaata h, tab pahadon ki yeh dev parampara hi raksha karti h. Usi raat gaon  ke dhami, (devta ke pujari) ko bulaya gaya. Unhone kuldevta ka aahwan kiya, diya jalya ayr mantra padhne shuru kiya. Poora kamara dhoop aur kapoor ki khushboo se bhar gaya. Dhami ji ne devta ki chowki lagayi aur jese hi devta ke parkat hone ke sanket milne lage, kamre ka mahol poori tarh badal gaya. Dhami ji ne mandir se layi gayi pavitra Bhabhooti (angari /raakh) nikali. Unhone wo Bhabhooti mere maathe par lagayi aur teen baar devta ka name lekar mere oopar chhidki Bhabhooti lagte hi mere muh se ek chheekh nikali, jese koi cheez mere sharir ko chhodkar door bhaag rhi ho. Kuch hi minutes mein mera sharir dheela pad gaya aur main shant hokar gahri neend mein so gayii. Agli subah jab meri aankh khli, toh main poori tarah thik thi. Bukar gaayab ho chuka tha aur sharir ka bhaaripan bhi khtam ho gaya tha. Us din mujhe ahsaas hua ki Uttarakhand ko 'Devbhumi' kyu kaha jata h yaha jaya devtao ka aashirvaad h wahi shaam dhalne ke baad pahadan ki khamoshi mein kuch aisi rahasyamayi shaktian bhi ghoomti h jinhe insani samajh  se pare maana jaata h aaj main College mein hu, lekin 10th-11tb ki us raat ka khauf aaj bhi mere rongte khade kar deta h. 

Yeh meri ek bilkul asli kahni h koi jhoothi afwaah ya banaai gyi  aur aj bhi meri rooh kaap uthti h.