Library
Profile
भोजपुरी देवी गीत- दे दा दरसनवा
भोजपुरी देवी गीत- दे दा दरसनवा
1 min
11.4K
हाथ जोड़ी माई के मनाई दिन रात हो।
दे दा दरसनवा सिरवा रखा तनी हाथ हो।
केहु नईखे आगे पीछे तोहरो बा सहारा।
डुबत नईया मइया लगाई दा किनारा।
भटकत भक्त माई दे दा आपन साथ हो।
दे दा दरसनवा सिरवा रखा तनी हाथ हो।
सगरो नगरिया मइया लउकेला अनहार बा।
लेला पुजनिया हमरो सुना बिनती हमार बा।
अबोध बलकवा माई हम हइ अनाथ हो।
दे दा दरसनवा सिरवा रखा तनी हाथ हो।
फूल अड़हुलवा मालवा माई हम चढ़ाइब।
गइया के घियवा सोना दियना जराइब।
झुलेली झुलूआ माई निमिया के गाछ हो।
दे दा दरसनवा सिरवा रखा तनी हाथ हो।
