Library
Profile
भोजपुरी देश भक्ति होली - पीय तू फगुनवा मे
भोजपुरी देश भक्ति होली - पीय तू फगुनवा मे
1 min
451
काहे नाही आईला पिया तू फगुनवा मे ।
मनवा लागे नाही ना पिया मोर फगुनवा मे ।
तू त हउआ फौजी सिमवा ललकारेला ।
देश दुशमनवा के चुनी चुनी मारेला ।
पिया केकरा संगवा ना खेलब होली अंगनवा मे ।
मनवा लागे नाही ना पिया मोर फगुनवा मे ।
सुनी के दहाड़ तोहार बैरी सियार जस कापेंले ।
पार नाही पावे तोहसे आपन जान लेके भांगेले ।
हमके गुमान तोहरो रहे डर दुशमनवा मे ।
मनवा लागे नाही ना पिया मोर फगुनवा मे |
जब होरी खेले देशवा अबीर औरी रंगवा से ।
होरी खेले पिया सिमवा बैरी खुनवा से ।
ठाढ़ रइहा सिमवा लगईहा दगीया ना तिरंगवा मे ।
मनवा लागे नाही ना पिया मोर फगुनवा मे ।
बजर पड़ो अगिया लागो आतंकी घुसपैठीयन के ।
होलिया खेलिहा खुनवा बैरी चीन नसपिटिया से
रही रही ज़ोर मारे ना खुनवा बदनवा मे ।
मनवा लागे नाही ना पिया मोर फगुनवा मे ।
