Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

Kinjal Pandya

Children Classics Inspirational


4.8  

Kinjal Pandya

Children Classics Inspirational


કર્મ એજ કામધેનુ છે.

કર્મ એજ કામધેનુ છે.

4 mins 993 4 mins 993

कर्मण्येवाधिकारस्ते मा फलेषु कदाचन ।

मा कर्मफलहेतुर्भुर्मा ते संगोऽस्त्वकर्मणि ॥

अर्थात तेरा कर्म करने में ही अधिकार है,

उसके फलों में कभी नहीं।

इसलिए तू फल की दृष्टि से कर्म मत कर और न ही ऐसा सोच की फल की आशा के बिना कर्म क्यों करूं | ॥47॥

આ શ્ર્લોકમાં ચાર તત્વ છે:

(1) કર્મ કરવું એ તારા હાથમાં છે.

(2) કર્મ નું ફળ કોઈ બીજાના હાથમાં છે.

(3)કર્મ કરતી વખતે ફળની ઈચ્છા ન કર.

(4)ફળની ઈચ્છા છોડવાનો અર્થ એ નથી કે તું કર્મ કરવાનું જ છોડી દે.

હમણાં જ હું ગુણવંત શાહ લખેલું "મહાભારત "વાંચતી હતી. અને મહાભારત આવે એટલે ચોક્કસ પણે ગીતા યાદ આવે, અને હવે ગીતા યાદ આવી જ ગઈ છે તો મારો કૃષ્ણ કયાં મારાથી દૂર રહેવાનો??? કૃષ્ણ યાદ આવતા જ મને ઉપરનો શ્ર્લોક યાદ આવ્યો, જે હું રોજ જ બોલું છું અને આનાથી જ મારા આત્મવિશ્વાસમાં વધારો થાય છે. આ શ્લોક નો આટલો સરસ અર્થ નીકળે છે તો મારો દિકરો પ્રહષઁ આ શ્લોકને કંઈક જુદી જ રીતે લે છે."મમ્મી તું કર્મ કર એનું ફળ હું ખાઈશ." એનુ બાળ માનસ કંઈક એવું સમજે છે કે મમ્મી રોટલી બનાવે અને હું ખાઉં, એ જ આ શ્લોક કહેવા માંગે છે.બોલો ભલા હવે આ મારો કાનુડો કંઈક જુદુ પણ સો એ સો ટકા સાચું લાવ્યો.

મારા જીવનની વાત કરું છું ત્યારે આજે મારા કાનુડાની એટલે કે મારે મારા દિકરા પ્રહષઁ ની વાતો કરવી છે કે આ શ્લોક ને એણે કઈ રીતે સમજ્યો.!? અરે આપણ ને વિચારતા કરી નાખે આ બાળકો...

પ્રહષઁની ઉંમર લગભગ આઠેક વર્ષની. હું એને લઈને આગળ ના રુમમાં પંખા નીચે બેઠી હતી. ચૈત્ર મહિનામાં ખૂબ જ ગરમી પડે.ભર બપોરે એક છોકરો કમળ વેચવા આવ્યો લગભગ એની જ ઉંમરનો છોકરો અને કાયમ એ જ આવે છે મારા ઘરે કમળ આપવા. એટલે પરિચિત તો ખરો જ. વારે તહેવારે એને હું કંઈક ને કંઈક આપું પણ એ હું પ્રહષઁ પાસે અપાવું એક તો બંને ને આનંદ આવે અને હું જો આપું તો પેલા કમળવાળા છોકરાને સ્વાભાવિક એવું લાગે કે મેં એના પર દયા કરી એ મને જ ના ગમેતો અને કયાંથી ગમે અને મારા દિકરાની અને એની ઉંમરમાં ઝાઝો તફાવત ન હતો તો મને બંને પ્રત્યે સરખી જ લાગણી થાય. અને એ પાછો મીઠડો પણ એટલો જ. કાયમ પ્રહષઁ એની બર્થડે પર બોલાવતો, કેક અને ચોકલેટ આપતો. વળી તે દિવસે એ ફૂલના પૈસા ન લેતો, સામે પ્રહષઁ પણ એને કંઈ પણ ભેટ આપતો.

તો વાત એમ થઈ કે મેં એને કમળના પાંચ રુપિયા તો આપ્યા જ પણ સાથે વધારે દસ રૂપિયા પણ આપ્યા ને કહ્યું દિકરા ગરમી ખૂબ જ છે તો આઈસ્ક્રીમ ખાજે. એમ કહયું એટલે એ ખુશ થતો થતો એની સાઈકલ તરફ જવા લાગ્યો કે તરત પ્રહષઁએ એને બૂમ પાડીને પાછો બોલાવ્યો. મને એમ કે તું સાંજે મારી સાથે રમવા આવજે એવું કંઈ કહેશે પણ ના આ તો કંઈક જુદુ જ થયું, જે મેં કદીપણ વિચાર્યું ન હતું કે મારું ધ્યાન પણ ન હતું ગયું. પ્રહષઁએ અને બોલાવીને પોતાની મનગમતી, હજી તો ગઈકાલે જ એના પપ્પા એ લઈ આપેલી ચપ્પલ પેલા છોકરાને આપી દીધી. સાચે જ એ આટલા તાપમાં ચપ્પલ વગર ફરતો હતો. હું કંઈ જ ના બોલી શકી. કંઈ સમજાતું ન હતું. મારા પ્રહષઁ ને શાબાશી આપું કે જાતને કોશુ?? પણ એ સમયે તો મારે મારા બાળકને ધન્યવાદ અને શાબાશી જ આપવાની હતી. એક માં તરીકે મને બીજું શું જોઈએ.

રહી વાત પેલા કમળવાળા છોકરાની તો એ પાછો "થેંક્યુ પ્રહષઁ" અને પ્રહષઁ કહે અરે એમાં શું? જલદી પાછો આવજે.

હવે આ વાત તો અહીયાં જ પતી ગઈ. હું એને એ.સી. વાળા રુમમાં સુવડાવવા લઈ ગઈ. એને રોજ જ મારે કૃષ્ણની વાર્તા કરવાની જ તો જ એ ઉંઘે. આજે મેં એને ચપ્પલનું કારણ પૂછ્યું.

કે તે પેલા છોકરાને તારી ફેવરીટ ચપ્પલ કેમ આપી દીધી? મમ્મા તમે જ તો કહો છો ને આપણે તો ફક્ત કર્મ જ કરવાનું છે, જેવું કર્મ કરો એવું ફળ મળે. હવે આ બિચારો કર્મ કરવા જાય કે ફૂલ વેચવા? મને ન સમજાયુ કે એણે કર્મનો અર્થ શુ કર્યો.?? એને કેટલું દઝાતું હશે. એ કયાં આપણી જેમ રહે છે. અને તમે જે એને આઈસ્ક્રીમના પૈસા આપ્યા એ તો એના કમળ વેચાત એમાંથી ખાઈ લે પણ એની પાસે ચપ્પલ જેટલા પૈસા ન આવત.

મેં એને સમજાવ્યું એ પણ કર્મ જ કરે છે પણ એને આ બધું કંઈ જ ના સમજાયું. તો મેં એને કહ્યું , દિકરા તારા આ કામ માટે ખૂબ ખુશ છું એના બદલામાં તને શું જોઈએ. તને અપાવું. તો કહે મમ્મી મેં તમારી પાસે ગીફ્ટ મેળવવા એને ચપ્પલ નથી આપી, મને કંઈ જ ના જોઈએ. પણ હવે કીધું જ છે તો એક ચોકલેટ આપજો. નાદાન બાળક એનાથી વધારે બીજું શું માંગે!?

પછી મેં કૃષ્ણનું ભજન ગાતા ગાતા સુવડાવી દીધો પણ મને ઉંઘ ન આવી.

અહીં આ કમળવાળા છોકરો કામ કરીને "કર્મ " કરતો હતો અને મારા દીકરાએ સારું કામ કરીને "કર્મ "કર્યુ. બંને પોતપોતાની જગ્યાએ મહાન જ છે.

આ શ્ર્લોકનો સાચો અને એકદમ સચોટ અર્થ મને સમજાઈ ગયો હતો. એથી હું રોજ બોલું છું.

જે મારા ભાગ્યમાં નથી એ

દુનિયાની કોઈ તાકાત મને

આપી શકે તેમ નથી,

મારા ભાગ્યમાં છે એ દુનિયાની

કોઈ તાકાત મારી પાસેથી

છીનવી શકે તેમ નથી,

ઈશ્વરીય શક્તિ અશક્ય ને

શકય બનાવે છે.

માટે "કર્મ " એજ કામધેનુ છે અને

"પ્રાર્થના" એજ પારસમણિ છે...

જય શ્રી કૃષ્ણ.


Rate this content
Log in

More gujarati story from Kinjal Pandya

Similar gujarati story from Children