યાચના હે દાતા !
યાચના હે દાતા !
બે સંતાનોના માતા બન્યા પછી;
આહલાદક આનંદની છોળોમાં,
કયાંક...
ગભરું બની જાઉં છું.
કહેવાતા ‘જનરેશન ગેપ’ માં
કયાંક...
ગભરું પારેવાની જેમ ફફડી ઊઠું,
તે પહેલાં....
હે અધિષ્ઠતા !
અપાર, પ્રેમ, કરુણા, મમતાથી ઠસોઠસ
માતૃહદયમાં ધૈર્ય ભરી દે.
તે પહેલા....
મારાં બાળકોની નાનકડી આંખોમાં-
દ્રષ્ટિકોણ રચી દે.
જેથી-
મારી વાતો બકવાશ ન લાગે,
મારા બાળકો હરણફાળ હરીફાઈઓમાં-
હડસેલવું પડે એ આજની નિતિ છે.
પરંતુ
એ પહેલાં....
હે શકિતનાં સ્ત્રોત !
મારા બાળકોની નાની-નાની પગલીમાં....
અખૂટ જોમ, ઉત્સાહ અને સાચી દિશા ભરી દે.
જેથી....
આ સુંદર જીવનનો મહિમા જાળવી શકે,
આજના સમયની આ જ રીત છે.
એવું-
મારા નિર્દોષ સંતાનોને સમજાવી દે,
તારા મકકમ સાથની કૃપા વરસાવી દે.
હે અંર્તયામી !
એક નારી તરીકે હરક્ષણ કસોટી આપવી
એ મારું કર્મ અને ધર્મ છે.
પહેલાં.....
દીકરી
પછી
વહું અને પત્ની
તારી કૃપાથી દરેક કસોટીઓમાંથી પાર ઉતરી.
પરંતુ....
હવે....
આવનારી અગ્નિપરીક્ષા-
એક સફળ માતા....
હર પલ....
હેમખેમ....
પાર ઉતરું એ માટે-
ધૈર્ય, દીર્ઘદ્રષ્ટી, સહનશીલતા, કાર્યશીલતા
તેમજ-
કયારેય પણ-
મારાં કર્તવ્યમાં ઊણી ન ઊતરું
એથી-
અપાર શકિત અને અખૂટ સ્નેહનો ભંડાર
જીવનપર્યંત બક્ષજે.