સમય

મને પણ ક્યાં ખબર હતી કે તું મને જ હરાવી હંફાવી દઈશ,

હું તો સમજતી હતી કે હું સમય સાથે છું પણ,

તે કહી દીધું મારી સાથે કોઈ નથી અને હું કોઈની સાથે નથી...

પૂરપાટ દોડતા મને પકડવા કે મારી સાથે થવા મથતા નહીં, થાકી જશો..

કિંમત મારી છે અજાણી,

આજ સુધી હું જ મારાં સુધી પહોંચી નથી શક્યો પછી તમે કઈ રીતે પહોંચી શકશો..

મારું કોઈ મૂલ્ય નથી પણ બધું જ દેખાડી શકું છું..

હે માણસ મારાંથી અજાણ ન બન, હું લાગુ નિર્જીવ પણ સજીવ કરતા પણ આગળ છું..

મને કોઈ રોકી શક્યું નથી કે રોકી પણ શકશે નહીં...

હું નથી શિખર પર કે તળેટીમાં..

હું નથી અંદર કે નથી બહાર..

જયારે મારી ખોજ થઈ છે હું નથી પકડાયો..

પણ મારો રોલ જરૂર નિભાવી જાણું છું...

હું જ મારો પરિચય આપી દઉં, મને ઓળખી તો શકાશે પણ સમજી નહીં શકાય..

હું સમય છું.