રહેવું પડશે

રહેવું છે માનવ સાથે માનવ થઈને

રહેવું પડશે દૂર રાધાથી કૃષ્ણ થઈને,

 રહેવું પડશે કાંટા સાથે ગુલાબ થઈને,

છે રચના જ આ જગતની એવી

 રામ જીવ્યા કુટુંબના વિરહ લઈને,

 રાવણ જીવ્યો સોનાની લંકા લઈને,

બહુ મૂંઝવણ ના કર તું અહીં

રામ સીતા વિચરે વનવાસ લઈને

સુદર્શન ધારી લીલા સંકેલે તીર લઈને,

ચિત્રોમાં જ અલગ સ્વરૂપ છે પ્રભુનું

એની જ રચેલી સૃષ્ટિમાં,

માણસ ફરે છે કોડીનો રાજા થઈને,

બાકી અજેય, પ્રભુ પણ ફરે છે

માણસ જેવો માણસ થઈને.