મુલાકાત

ક્યારેક તો મુલાકાત કરવાનું પણ કહો,

આ સમયને ક્ષણભર ઊભો રહેવાનું તો કહો,

પવન પણ થંભી ગયો છે વાતાવરણમાં,

આ યુવાનીને વૃક્ષ પાછળ મળવાનું તો કહો,

જોઈ રહ્યા છો આંખમાં આંખ પરોવીને,

આ પાંપણને જરા ઢળવાનું તો કહો,

દિલમાં થાય છે વીજળી તારા સ્પર્શ માત્રથી,

આ દિલની વાતો પણ કહેવાનું તો કહો,

દિવસ આખો વિતી ન જાય વાત વાતમાં,

આ સૂરજને પણ આથમવાનું તો કહો,

ક્યારેક તો મુલાકાત કરવાનું પણ કહો,

આ સમયને ક્ષણભર ઊભો રહેવાનું તો કહો.