મૈત્રી

આપણે ભાઈબંધ એક છીએ, " નો સોરી નો થેંક્સ "

ખરા દિલથી બંને નેક છીએ, " નો સોરી નો થેંક્સ "

જો વધી જાઉં આગળ ક્યારેક રોકજો તમે જરુર,

એકમેકની વખતે બ્રેક છીએ, " નો સોરી નો થેંક્સ "

પડે ગતિ ધીમી મારીને શિથિલતા આવી જાય કદી,

પ્રવેગિત કરવાને જેક છીએ, " નો સોરી નો થેંક્સ "

છે આ વાત સહિયારી નથી એકલી તારી કે મારી,

પ્રાયવસી રાખતાં પેક છીએ, " નો સોરી નો થેંક્સ "

વાત છે ૠણાનુબંધનની એકબીજાને સમજવાની,

મૈત્રી નિભાવવાની ટેક છીએ, " નો સોરી નો થેંક્સ "