માતૃ દિવસ

માતૃ દિવસ 

માતૃ દિવસની શુભેચ્છા
 મારું વ્હાલું પિયરિયું છોડ્યું
પારકાને પોતાનાં કરવા
છતાં કહેવાઈ હું પારકી.
બધું ભૂલી હસતી રહી
સંતાનોને ઉછેરતી રહી.
 પરિવારને ખુશ રાખવા
 હું મારી જાતને ભૂલી ગઈ.
સંતાનો પગભર થઈ ગયાં
પતિ એનાં કામમાં વ્યસ્ત
 જીવનપથ પર એકલી
 હું વિચારતી જ રહી ગઈ.
ક્યારે મીઠાં બોલ સાંભળીશ?
 આશ મનમાં જ રહી ગઈ.
 આવ્યો આજ મધર્સ ડે
સંતાનોને સમય મળશે.
મા સાથે ફોટા પડાવવા કાજ
કહેશે હેપ્પી મધર્સ ડે.
મા હેપ્પી થઈ? એ નહીં વિચારે
 ફોટા મૂકશે સોશિયલ મિડિયા પર
બતાવશે કેટલો પ્રેમ છે મા માટે!
કહે વિભૂ, "બંધ કરો આ તમાશો
થોડો સમય વિતાવો મા સાથે. "
 ©વિભૂતિ દેસાઈ ઘાસવાલા. બીલીમોરા.