જોયા કરું છું

શ્વાસનો લય ને પ્રલય, જોયા કરું છું રાત દિન,

દેહ થાતો ક્ષત વિક્ષત, ખોયા કરું છું રાત દિન.

બાળપણ તો ગ્યું રમતમાં ને કદમ યૌવન ધરે,

રેત સમ સરકે સમય, ટોયા કરું છું રાત દિન.

થંભતો ના એ વહી અવિરત, યુવાની લૂંટતો,

હું સફેદી વાળની, લોયા કરું છું રાત દિન.

આ ભવાટવિનું ચકર તો લાગતું મીઠું મને,

સ્નેહ મેલી છોડતાં, રોયા કરું છું રાત દિન.

સત્ય એ અંતિમ, સમજ ઉર સાંપડી થોડી હવે,

પાપ કર્મો દેહનાં, ધોયાં કરું  છું રાત દિન.