જિંદગીની મીઠાશ

બાકી જિંદગીથી નથી કોઈ ફરીયાદ !

બસ છેલ્લે ક્યારે,

મજા આવી એ યાદ નથી, 

વ્યસ્તતા એ માજા મૂકી છે બરાબર, 

છેલ્લે ક્યારે રજા આવી એ યાદ નથી, 

આંખના ખૂણા મેં સાફ કર્યા હતા કે, 

ખરી ગયું એ પાણી એ યાદ નથી, 

આમ તો સતત હાસ્ય રાખું છું ચહેરા પર, 

સાચું હસ્યો'તો ક્યારે એ યાદ નથી, 

જે વરસાદમાં હું ભીંજાયો હતો દિલથી, 

એ વરસ્યો તો ક્યારે એ યાદ નથી, 

જીવતા જીવતા ઈચ્છાઓને બધાની, 

ક્યારે હું મને જ ભૂલ્યો એ યાદ નથી, 

ઊભો નથી કતારમાં તારા મંદિરે ઈશ્વર, 

પણ તને હું ભૂલ્યો એવી ક્ષણ યાદ નથી !