જે શરૂ થયું છે એ સમાપ્ત થશે

જે શરૂ થયું છે એ જરૂર સમાપ્ત થશે

આ જીવન પણ અણધારી રીતે અસ્ત થશે,

આજે જે નથી એનો રંજ ન કર

કાલે એનું પણ મહત્વ ઘટી જશે,

વાતો યાદો બનશે, ચિંતાઓ વ્યર્થ નીવડશે

ભેગું કરેલું બધું અહીં જ વહેંચાઈ જશે,

તારા-મારાનું મહત્વ પૂર્ણ થશે

એના દરબારમાં ફરી મૂલ્યાંકન થશે,

અભિમાન તૂટશે અને સંપત્તિ છૂટશે

કરેલા બધાં જ કર્મોનો હિસાબ થશે,

ચહેરો કરમાઈ જશે અને હોદ્દો હારી જશે

અંતે આ શરીર બળીને રાખ જ થશે,

જે શરૂ થયું છે એ જરૂર સમાપ્ત થશે.