મુક્તિ

કડકડતી ભૂખ પછીનો પહેલો કોળીયો,

અતિશય તરસ પછીનો પહેલો ઘૂંટડો,

બળબળતા તડકા પછી મળતો એ મીઠો છાંયડો,

લાંબા ઉજાગરા પછી મળતી એ શાંતિની નિંદર,

કમરતોડ મેહનત પછી મળતો એ પહેલો પગાર,

લાંબા વિરહ પછી થતું એ પ્રેમ-મિલન,

અનહદ પ્રયાસો પછી થતા એ પ્રેમ-લગ્ન,

મહિનાઓની ધીરજ પછી,

હાથમાં આવતું એ નવજાત શિશુ,

બધીજ જવાબદારીઓ પૂર્ણ કર્યા પછી,

લેવાતો એ ઊંડો શ્વાસ,

નિવૃત થયાં પછી સમયના મલિક બનવાનો,

એ આહલાદક અનુભવ.

જીવન ને જોયું, જાણ્યું અને માળ્યું,

એનો થતો અનેરો આનંદ,

સંપૂર્ણ જીવ્યા પછી મૃત્યુને અપાતો,

એ સાક્ષીભાવ આવકાર,

સંતોષના છે આ બધાંજ પ્રકાર, 

જીવનનો આજ છે સાર,

આ જીવન થકી જ છે,

મુક્તિનો "એ" પાવન માર્ગ