હોળી આવી, હોળી આવી

હોળી આવી, હોળી આવી,

શું શું લાવી ? શું શું લાવી ?

ખજૂર લાવી, ધાણી લાવી,

પતાસાના તો હાર લાવી.

અબીલ લાવી, ગુલાલ લાવી,

રંગોની તો બ્હાર લાવી.

હોળી આવી, હોળી આવી,

શું શું લાવી ? શું શું લાવી ?

ફાગણીયાના ફાગ લાવી,

મઘમઘતા એ બાગ લાવી.

હુતાસણીની આગ લાવી,

કોયલના એ રાગ લાવી.

હોળી આવી, હોળી આવી,

શું શું લાવી ? શું શું લાવી ?

કેસુડા ને પલાસ લાવી,

ગુલાબની એ મહેક લાવી.

મસ્તી કેરી મોસમ લાવી,

અંતર મનમાં યૌવન લાવી.