હોળી આવી છે

વીતી હેમંત ને, શિશિર ફાગણથી મળી છે,

દેખો, રાહ જોતાં આવી ઊભી એ હોળી છે,

તાપણું ઓલવી, ચડાવી શાલ માળિયે છે,

ઝટ ગઈ ઠંડી, હવે ગોદડાની થઈ ઝોળી છે,

મહેકતો મહેકતો, શરમાય ગયો જ કેસુડો,

કેસરી સાફો બાંધી, શૂરવીર જેવી ડાળી છે,

ઊંચો ડાંડો રોપાયો, થતી છાણની ગાડી છે,

માદક સ્વરે સંભળાય, એ ઢોલ ને થાળી છે,

અગ્નિદાહ આપવા, લોક વળ્યાં ફરી ટોળે છે,

ઉણનું વરહ સુખદ વળે એ માનતા પાળી છે,

રંગ-રંગેને ઉલ્લાસે થતી બીજે દિ' ધુળેટી છે,

ફૂલોનો ઘેરૈયો ખેલતો, રાજી થયો માળી છે,

સફેદ કપડે રંગ લાગ્યા, ડાઘ વર્ષોના દૂર થયાં,

અંત લખતાં કવિતાનો શાહી આજે ઢોળી છે.