એને કહેવાય કાંઈ પ્રેમ !
એને કહેવાય કાંઈ પ્રેમ !
1 min
2.6K
કોઈ આંખની મરુભૂમીમાં સપનાની જેમ ઊગે,
અને પછી રૂંવે રૂંવે સુગંધની જેમ પમરે,
એને કહેવાય કાંઈ પ્રેમ !
કોઈ ધડકનના તાલે મનમાં હળવું ઝૂલે અને,
એની આંખની અટારીએથી એક સાવ નવો પ્રદેશ ખૂલે,
એને કહેવાય કાંઈ પ્રેમ !
કોઈની સ્મિતભરી આંખોથી મનમાં દીવા પ્રગટે,
અને ઝળહળતી નદી સાવ અંધારે ખૂણેથી વહી નીકળે,
એને કહેવાય કાંઈ પ્રેમ !
કોઈના સ્પર્શની સુંવાળપ જીવન રસ થઈને પ્રસરે,
અને સઘળું બેસૂરુ સૂરમય થઈ ગૂંજે,
એને કહેવાય કાંઈ પ્રેમ !
કોઈની વાતો મનની માટીમાં પહેલો વરસાદ થઈ વરસે,
અને ‘હોવું’ સમગ્ર વસંત થઈને ખીલે,
એને કહેવાય કાંઈ પ્રેમ !