એમણે આંખો જરા ઊંચી કરી

એમણે આંખો જરા ઊંચી કરી,

પ્રેમમાં જાણે પ્રથમ ડયૂટી કરી !

હું જરા આગળ જઈ ઊભો રહ્યો,

એમણે પાછું વળી પુષ્ટિ કરી.

એમને સીધું જ કહેવાનું હતું,

વાત પહેલેથી જ મેં ઊંધી કરી.

એ સખત રીતે મને જોતાં રહ્યાં,

આંખ મેં પણ ક્યાંથી ક્યાં સુધી કરી !

જાણે કે છત્રી ખૂલી ગઇ રૂપની,

એમણે ઝૂલ્ફો જરા ખૂલ્લી કરી.

ના કશું આપ્યું, કશું ના લઇ ગયાં,

પ્રેમમાં નકરી તમે લૂખ્ખી કરી.

આપ આ જેને ગઝલ કહોછો 'નિનાદ',

પ્રેમપૂર્વક મેં જરા ઊર્મિ કરી !