દ્રૌપદી

હું દ્રૌપદી યાજ્ઞસેના પાંચાલી,

માધવ મારા સખા ને હું એની સખી....

મારા મનનો માણીગર અર્જુન

પણ અન્ય પાંડવોની ભાર્યા પણ ખરી..

કૌરવે એ કહી મને વૈશ્યા,

છતાં ગઈ અપમાન હું ગળી...

જો હું મા કુંતીનું વચન ન પાળત તો,

હું પણ હોત પતિવ્રતા પત્ની ખરી...

કહે લોક ભાઈઓ-ભાઈઓ વચ્ચે યુદ્ધ મારા લીધે,

પણ યાદ રહે યુદ્ધનું હું માત્ર નિમિત્ત,

નવયુગનો પ્રારંભ મારા લીધે....

ગુમાવ્યા મેં સંતાનો, થઈ હું નિઃસંતાન...

છેવટે ન્યાય-અન્યાય બધુ જ ભૂલી,

કીધા મેં મનથી નરાધમોને માફ..

સંસારની દરેક નારીમાં હું,

બળ, ધૈર્ય, પ્રેમ અને ન્યાય સ્વરૂપ ધારિણી,

કહો નહીં મને વ્યભિચારિણી.. હું છું સતી

હું દ્રૌપદી યાજ્ઞસેના પાંચાલી.