ચોકલેટની મીઠાશ

'ચોકલેટ'ની મધુર મીઠાશ,

 મીઠાશથી થતી શરૂઆત,

 શરૂઆત આપણા પ્રેમની,

 પ્રેમથી 'પાંગરતો' પ્રવાહ,

 પ્રવાહ જીવનની સુગંધનો,

 સુગંધ લાગણીનાં વરસાદની,

 વરસાદમાં થયેલું આપણું મિલન,

 મિલનમાં જ રહેલું આપણું 'વચન',

 વચનમાં બંધાયેલો 'વિશ્વાસ' આપણો,

 આપણી વચ્ચે કહેવાયેલા 'શબ્દો'નો સાર,

 શબ્દોના સારમાં સંગ્રહાયેલી 'ભાવના',

 ભાવનામાં જ સચવાયેલી 'યાદો',

 યાદોમાં જ સમજાયેલી 'હૂંફ',

 હૂંફમાં જ તારી મળતી મને 'મીઠાશ',

 મીઠાશ સાથે ખાધેલી 'ચોકલેટ',

 'ચોકલેટ' જેણે કરેલી પ્રેમની 'અરજી',

 'અરજી' સ્વીકારી થયેલી શરૂઆત,

 શરૂઆતથી 'અંત' સુધી બસ,

 માણેલી 'ચોકલેટ'ની 'મીઠાશ'.