આજે એ સમય ભૂલાતો નથી

તારી સાથે વિતાવેલી યાદોનો સમય

જીવનમાં ભરતો હતો આનંદ નિરામય

આજે એ સમય ભૂલાતો નથી...

તારા ચહેરા પરની એ ખુશી

મારા હૈયામાં ઉમંગ દેતી ભરી

આજે એ સમય ભૂલાતો નથી....

ક્યારેક મીઠી મીઠી ગપસપ

ક્યારેક થતી એમ જ રકઝક

આજે એ સમય ભૂલાતો નથી...

ભલે હું ખોવાઈ જતી વિચારોમાં

તારા સાથ અને સહવાસની યાદોમાં

આજે એ સમય ભૂલાતો નથી...

આપણાં બંનેની એ દોસ્તી અનેરી

લાગતી હતી સૌને મીઠી મીઠી

આજે એ સમય ભૂલાતો નથી.