સંઘર્ષો

સંઘર્ષોના મહાસમરમાં

પ્રત્યેક ક્ષણે પોતે લડતો હું,

સંસારના અવરોધોથી ઝઝૂમતો

સંઘર્ષોથી ક્યારેય ન ગભરાતો હું.

ચક્રવ્યુહમાં ફસાયેલા અભિમન્યુ સમો

ધૈર્યથી લક્ષ્ય ભેદતો હું,

હતપ્રભ શ્વાસોને શમાવીને

વિશ્વાસની રાહ સંકારતો હું.

સ્વાર્થના બંધનોમાંથી અસહજ

મારું પીછું છુટાવતો હું,

સમયના કુચક્રમાં ઘેરાયેલો

તો પણ હાર ન માનતો હું.

'હર્ષદ' બની જીવનસંગ્રામમાં

હજીયે અવિચલ ચાલતો હું.