આગ

હા ચૂલો બળતો હતો,

'ને હું તો એમાં હાથ શેકતો હતો.

મા કઈક તો બોલતી હતી,

પણ હું તો મારી ધૂનમાં જ મસ્ત હતો.

ભૂખ મને કકડીને લાગી હતી,

'ને મા એ તો વાતોએ ચડાવ્યો હતો.

માના વ્હાલવાળી વાતો સમય વિહોણી હતી,

સ્હેજે ખબર જ ના રહી કે મને ભૂખ પણ લાગી હતી.

હવે તો મને ઊંઘ આવવા લાગી હતી,

'ને સવારે આંખ માના ખોળામાં જ ખુલી હતી.

નાસ્તો તો ભુલાઈ જ ગયો હતો,

કેમ કે આજ કામે જવા હું મોડો ઉઠ્યો હતો.

સાંજ ગરીબની પડી ગઈ આજ ફરીથી હતી,

અને આગ ચૂલાની છેક હવે સળગી હતી !