వర్షం

మబ్బులు నల్లగా మారాయి

ఉరుములు ఉరిమాయి

మెరుపులు మెరిసాయి

వాతావరణం చల్లబడింది

పట్టపగలు చీకటిగా మారింది

చిటపట చినుకులు పడుతున్నాయి

పక్షులు కిలకిలారావాలు చేస్తున్నాయి

గూళ్ళకు చేరటానికి బయలుదేరాయి

చల్లగాలి వీస్తుంది

తూనీగలు ఎగురుతున్నాయి

పూలమొక్కలు కదులుతున్నాయి

పువ్వులు ఉయ్యాలలూగుతున్నాయి

పిల్లలు వీధిలోకి చేరారు

చేతులుపట్టుకోని ఆటలు ఆడుతున్నారు

కోలాహలంగా కేకలు వేస్తున్నారు

వానజల్లులు ఎక్కువయ్యాయి

పిల్లలు వానలో తడుస్తున్నారు

నీరు కాలువలగా ప్రవహిస్తున్నాయి

పిల్లలు కాగితంపడవలు వేస్తున్నారు

కాళ్ళకు తాతగజ్జెలు కట్టుకుంటున్నారు

వాన ఎక్కువయ్యింది

అందరు ఇళ్ళకు చేరారు

చెరువులు కాలువలు నిండాయి

పొలాలు నీళ్ళలో మునిగాయి

కప్పలు కుప్పలుగా చేరాయి

బెకబెకలాడుతు గోండ్రు పెడుతున్నాయి

పెళ్ళిల్లు చేసుకుంటున్నాయి

చేపలు సంతసంతో ఎగిరిగంతులేస్తున్నాయి

చెరువులు అలుగులు పారుతున్నాయి

కాలువలు పొంగి ఏటిలో కలుస్తున్నాయి

ఏటిప్రవాహం ఎక్కువయ్యింది

చపటాలపై నీరుపారి రహదారులు బందయ్యాయి

వాన ముసురు పట్టింది

తుఫానుగా మారింది

హోరుగాలి వీస్తుంది

కొన్ని చెట్లు ఇల్లు కూలాయి

కొద్ది గంటల తర్వాత

వరుణుడు శాంతించాడు

తుఫాను ముగిసింది

మామూలు పరిస్థితులు నెలకొన్నాయి

వానా వానా రా

కావలిసినంతే కురువు

రైతులను నష్టపెట్టకు

జనులకు హాని తలపెట్టకు

వానదేవుడా ఓ వరుణదేవుడా

శాంతించవయ్యా

ప్రాణనష్టం చేయకయ్యా

ఆస్తినష్టం అరికట్టవయ్యా