నీదీ ఓ బ్రతుకేనా
నీదీ ఓ బ్రతుకేనా
నీదీ ఓ బ్రతుకేనా ముఖాన అచ్చేసిన అవే పన్నెండు ఘటనలేగా..
నీ బ్రతుకున.. ఎంత బ్రతికినా ?
ఐనా గడిచిన ప్రతి ఘటననీ గర్వంగా గంటకొట్టి మరీ చాటిస్తావ్
చీకటి వెలుగులయి సమానంగా సాధిస్తావ్
ఎన్ని బ్రతుకుల వర్తమానలని మింగి గతింప చేస్తావ్ విగత జీవుల్ని చేస్తావ్ ?
ఎన్ని ఆనందాలను జ్ఞాపకాలు చేస్తావుఎన్ని ఆశలు నిరాశలు చేస్తావ్ ?
నీదీ ఓ బ్రతుకేనా ?
కర్కశ మైన నీ ముళ్ళ ముఖాన్ని గోడకు శిలువేసినాసుడిగుండంలా తిరుగుతూప్రపంచాన్ని కబళిస్తావు ..
అవిశ్రాంతంగా.. అందరి బ్రతుకు వెనక అగాధాలను తవ్వుతూనే ఉంటావు
నీదీ ఓ బ్రతుకేనా .. ?
నువు దాటిపోయేదాకా నీ ముఖన్నెందుకు దాటేస్తావు ?
వస్తున్న అలికిడినీ ఎందుకు దాచేస్తావ్ పిరికి పంద ... ఎదురొడ్డి ఓడిస్తామనేగా నీదీ ఓ బ్రతుకేనా ?