ఈ విరహం
ఈ విరహం
1 min
4
పాడ'రాని పాట కదా..చెప్ప'లేని ఈ విరహం..!
మోయ'లేని మూట కదా..తలచ'లేని ఈ విరహం..!
తహతహలను తాపాలను..రగిలించుట న్యాయమేనా..
చూడ'తగని ఆట కదా..ఓప'లేని ఈ విరహం..!
దాహమేదొ..మోహమేదొ..అమాయకతే శాపమేల..
పట్ట'రాని మాట కదా..పలుక'లేని ఈ విరహం..!
కనిపించని చెలిమదిలో..ఆవేదన తీర్చుటెలా..
కూల్చ'బడని కోట కదా..పేల్చ'లేని ఈ విరహం..!
సరసాలను పండించే..మధుశాలను చేరుటెలా..
అగ్గిపూల తోట కదా..ఆర్ప'లేని ఈ విరహం..!