మన్నించుమా హరా!
మన్నించుమా హరా!
1.ధ్రువకోకిల /
ముఱికి కూపము వంటి లోతగు మోహ మందున మున్గితిన్
గరము లెత్తుచు నిన్ను వేడితి కావరాగదె
యీశ్వరా!
స్మరణ మాత్రము జేత మమ్ముల చక్కదిద్దెడి దేవరా!
దరికి జెర్చవె దీన రక్షక!దాసినై నిను గొల్చెదన్ /
2.చంపక మాల /
మనసిది చంచలంబు పలు మాయలు నేరిచి ప్రల్లదంబుతో
తనువును త్రిప్పుచుండు
దురితంబగు కార్యములెల్ల చేయుచున్
ఘనమగు నీదు భావనను గైకొన దక్కట!యో మహేశ్వరా!
మునుకొని మంచి బుద్ధినిడి ముక్తిని పొందెడి దారి చూపుమా!
3.ఉత్పల మాల /
మత్తగజంబు వోలె మది మత్తిలి దూకుచు మోహమొంది తాన్
చిత్తము వచ్చినట్లు చని జీవితమంతయు కుళ్ళి పోవ నీ
సత్తెపు రూపమున్ గనక సంకర మొందెడి హీనమైన ప్ర
వృత్తిని మార్చ రాద!కని పెంచెడి తండ్రిగ ప్రేమతో హరా!/
-------------------------