జ్ఞాపకాల చిత్రాలు

మోయ'లేని నీటికుండ..మోయవలసి ఉన్నది..! 

నా కోసం కాకుండా..బ్రతకవలసి ఉన్నది..! 

అమృతమధుర భావనలకు..అద్దమెచట నేస్తం.. 

ప్రేమవిలువ కనులతోనె..చెప్పవలసి ఉన్నది..! 

కోపానికి సాటివచ్చు..విషముందా వేరే.. 

చెలిమికొరకు ప్రాణాలను.. పెట్టవలసి ఉన్నది..! 

పత్తిగింజ నాటి చేను..తడపకుండ ఎలాగ.. 

జారు చెమటబొట్టు వెలను..కట్టవలసి ఉన్నది..! 

ఏ కర్మకు ఆ కర్మయె..జ్ఞానమిచ్చు నెంతయొ.. 

అనుభవాల సారమునే..పట్టవలసి ఉన్నది..! 

జ్ఞాపకాల చిత్రాలను..తుడపడమే కష్టము.. 

పరిమళించు ఈ'క్షణమున..నవ్వవలసి ఉన్నది..