ଜ୍ଞାନଗଙ୍ଗା

    

ଅଟଇ ପବିତ୍ର ଗଙ୍ଗାର ଧାର

କରେ ବିନାଶ ପାପର ଭାର 

ପାପରୁ ମୁକ୍ତି ପାଇବା ପାଇଁ 

ଜ୍ଞାନର ଆଲୋକ ଦିଏ ଜଳାଇ ll 

ଜ୍ଞାନ ବିନା ନାହିଁ ସଂସାରେ ଆନ 

ଜ୍ଞାନ ଲଭି ମୁକ୍ତି ପାଏ ଅଜ୍ଞାନ 

ଭବ ସାଗରୁ ଖୋଜି ଗଙ୍ଗାର ଧାର 

ଜ୍ଞାନ ସଞ୍ଚାର କରେ ଉତ୍ତମ ବୀର ll

ସଲବଲ ସଂବାଳୁଆ ସମ 

ଅଜ୍ଞାନ ଜନର ଜୀବନ କର୍ମ 

ବଞ୍ଚି ଚାଲିଥାଏ ମାୟା ସଂସାରେ 

ଲୋଡ଼େ ନାହିଁ କେବେ ଜ୍ଞାନ ଆସରେ ll 

ପ୍ରଜାପତି ପରି ବଞ୍ଚିବା ପାଇଁ 

ଆଳସ୍ୟ ତ୍ୟାଗ କରଇ ସେହି 

କରେ ଆହରଣ ଜ୍ଞାନର ରସ 

ରହଇ ଆନନ୍ଦେ ଜୀବନ ଯାକ ll 

ଜ୍ଞାନ ଅଟଇ ସୁଧା ସମାନ 

ଅଥଳ ଜଳରେ କରଇ ସ୍ନାନ 

ଯେ ଏହି କଥା ହେଜିଛି ମନେ 

କେବେ ନ ହୋଇବ ଅଜ୍ଞାନ ଜନେ ll

ଗଙ୍ଗାରେ ବୋଡ଼ ମାରିଲା ପରି 

ଜ୍ଞାନ ଜଗତକୁ ଯାଅ ସଞ୍ଚରି 

ପାଇବ ନୂତନ ଆଭାସ ମାନ 

ରହିବନି କେବେ ମନ ଅଜ୍ଞାନ ll