గ్రంథాలయం
ప్రొఫైల్
బంధం
బంధం
1 min
174
తాళం లేని పెట్టె
గతమనే జ్ఞపకాల పెట్టెలో
భద్రపరుచుకున్న అనుభవాలెన్నో !
అవమానాల దొంతరలు
ఒక అరలో
అభిమానాల ఇస్త్రీ మడతలు
మరొక అరలో !
గాయాల మచ్చలు
ఒక వైపు
గౌరవాల అచ్చులు
మరోవైపు !
ఆడంబరాల డాంబికం
ఒక అరలో
అప్పుల పత్రాల వేదన
మరొక అరలో !
అనుభూతుల చల్లదనం
ఒకవైపు
నిట్టూర్పుల వెచ్చదనం
మరోవైపు !
స్వీయ తప్పిదాల శిక్షలు
ఒక అరలో
పరాయి మోసాల బలి
మరో అరలో !
తెగిన బంధాల ఆనవాళ్ళు
ఒకవైపు
ముడివీడని పరవళ్ళు
మరోవైపు
జ్ఞాపకాల పెట్టి నిండా అరలే
ఒకదాని ప్రక్కన మరొకటి
ఒకదానిపై మరొకటి !
రహస్యాల మూతలేని
జ్ఞాపకాల పెట్టెను
గొళ్ళెంతో మూయనక్కర్లేదు
తాళం వేయనక్కర్లేదు !
గతానుభవాల పెట్టెను
గుణ పాఠంగా నేర్చుకొని
వర్తమాన మూతను
విజ్ఞతతో తెరుస్తుండాలి !
