అపురూపం
అపురూపం
1 min
2
సిగ్గుపూల రాజహంస..హాసమెంత అపురూపం..!
చెలి కన్నుల అనురాగపు..రాగమెంత అపురూపం..!
చెలితలపుల దుమారమే..ఎదలోయల హిందోళం..
తన సన్నిధి అందుతున్న..గంధమెంత అపురూపం..!
మనోహరుడు ఏవేళన..ఏ రూపున దరిజేరునొ..
తనజతలో మంచుపూల..పవనమెంత అపురూపం..!
కాంతిసిరుల వానంటే..తన వలపుల సింధూరం..
ఆ వెన్నెల పందిరివై..భోగమెంత అపురూపం..!
మైమరపుల లోకంలో..మయూరమే మానసమా..
బంధాలకు అతీతమౌ..నాట్యమెంత అపురూపం..!