மிகவும் சக்தி வாய்ந்தவர் யார்?

ஒரு முறை, கௌதம புத்தர் தன் சீடர்களோடு, ஒரு மலைப் பிரதேசத்தில் தங்கிக் கொண்டு இருந்தார். தன்னுடைய சீடர் ஒருவரோடு, மாலையில் நடைபயிற்சியை மேற்கொள்ளும் பொருட்டு, வெளியே சென்றார். இயற்கையின் ஈர்க்கும் வசீகரமான காட்சியை, இருவரும் சேர்ந்து பார்த்து மகிழ்ச்சி அடைந்து கொண்டு இருந்தார்கள்.

போகும் வழியில், மிகப்பெரிய உறுதியான பாறைகளைப் பார்த்து, அந்த சீடர் பேரார்வம் கொண்டார். அவர் கேட்டார், “இந்தப் பாறைகள் மிகவும் உறுதியாகவும், அசைக்க முடியாததாகவும், மேலும் நகர்த்த முடியாததாகவும் இருக்கின்றன. உறுதியாக, இவற்றை யாராலும் எதுவும் செய்ய முடியாது, சரிதானே?”

புத்தர் அவரை பார்த்தார், பதில் கூறினார், “இல்லை, இந்த உறுதியான பாறைகளையும் சிலவற்றினால் வெற்றி கொள்ள முடியும். இரும்பை வைத்துத் தாக்கினால், இந்த கடினமான பாறைகளும் துண்டுதுண்டாக உடைந்து விடும்படி செய்ய முடியும்.”

இதற்கு, அந்த சீடர் கூறினார், “பிறகு, இரும்புதான் மிகவும் சக்தி வாய்ந்ததா?” புத்தர் புன்சிரிப்போடு கூறினார், “இல்லை. நெருப்பின் வெப்பம் இரும்பின் தன்மையைக் கூட மாற்றிவிடும்.”

அந்த சீடர், பொறுமையாகக் கவனித்துக் கொண்டிருந்தார். பிறகு கூறினார், “ இதிலிருந்து நெருப்புதான் மிகவும் சக்திவாய்ந்தது என்று தெரிகிறது”.

“இல்லை”. என்று திரும்பவும் அதே மனோபாவத்தில் புத்தர் பதிலளித்தார். “தண்ணீர், நெருப்பின் வெப்பத்தைக் குளிரச் செய்து விடும். மேலும், நெருப்பை அமைதிப்படுத்தி விடும்.” அந்த சீடர் மீண்டும் சிந்திக்கத் தொடங்கினார். சீடரது பேரார்வம் இன்னும் திருப்தி அடையவில்லை என்பதை புத்தர் புரிந்து கொண்டார்.

அந்த சீடர் திரும்பவும் கேட்டார்,“பிறகு, தண்ணீரை எந்த சக்தி கட்டுப்படுத்துகிறது?”

புத்தர் பதில் கூறினார், “அந்த காற்றுதான். காற்றின் வேகம், தண்ணீரின் திசையை மாற்றிடச் செய்ய முடியும்”.

இப்போது அந்த சீடர் எதுவும் கூறுவதற்கு முன்னால், புத்தர் கூறினார், “இப்போது நீ கூறுவாய், அதாவது இதனால் காற்றுதான் சக்தி வாய்ந்தது. காற்றும் இல்லை; புயலும் இல்லை; இவை ஒன்றும் மிகவும் சக்தி வாய்ந்தவை அல்ல.

மனிதனின் “மனோசக்தி” –தான் மிகவும் சக்தி வாய்ந்தது. ஏனென்றால் இந்த சக்தியால், அந்த பூமி, அந்த தண்ணீர், அந்த காற்று, மேலும் அந்த நெருப்பு இவை அனைத்தையும் கட்டுப்படுத்த முடியும்.

நம்மிடம் இருந்து கொண்டு இருக்கும் அந்தக் கடினத்தன்மை, வெப்பம், மேலும் குளிர்ச்சி –இவை நம்முடைய மனோ சக்தியால் மட்டுமே கட்டுப்படுத்த முடியும். எனவே மனோசக்திதான் எல்லாவற்றிலும் மிகவும் சக்தி வாய்ந்தது.

மனோசக்தியும் மேலும் உறுதிப்பாடும் இல்லாமல், வாழ்க்கையில் எதுவுமே முக்கியத்துவம் வாய்ந்ததாக இருக்க முடியாது, ஆகவே உனக்குள் மனோ சக்தியை அபிவிருத்தி செய்ய முயற்சி செய்.”

இதன் மூலமாக, அந்த சீடரின் தீவிரமான ஆவல் முடிவாக, திருப்தி செய்யப் பட்டது.