அழகியல்...

வானம் அழகு நிலவால்...
நிலா இல்லா வானம் அழகு நட்சத்திரங்களால்...
ஏதோ ஒன்றால் ஏதோ ஒன்று அழகாகிறது
அவளால் அவனும்
அவனால் அவளும்
அழகியல் அற்புதம் அதுதானே...

பௌர்ணமி நிலவோடு சேர்ந்த ஒற்றை நட்சத்திரம்
அவள் உதட்டோர மச்சம் போல...
திருஷ்டி கழிய கடவுள் சேர்த்தாரோ ...
நிலவுக்கும் அவளுக்கும்...

மலை முகட்டில் எழும் சந்திரனை போல ஒளிர்ந்து சிரிப்பாள்...
கடல் மடியில் தொலையும்
கதிரவன் போல வெட்கி சிவப்பாள் ...
இருப்பைக் காட்டும்
காலத்திற்கேற்ப
அவள் அழகியலின்
இருப்பைக் காட்டும்...

அழகியலின் உலகியல்
புதை படிமம் போல
படி எடுக்க பாடம் படித்தாகனும்...

அவள்...
மூடுபனி
வாழை
தோகை மயில்
குவளை
செங்காந்தள்
சுனை
அருவி
கோடை மழை
செந்தமிழ்
செந்தாள்
நெற்பயிர்
கன்று
போர்
வில்
சோலை
தும்பி...

அழகியல் ஒரு புதை படிமம்...
அவனோடு அவளுக்கும்
அவளோடு அவனுக்கும்...