ଭାରି ଭଲଲାଗେ
ଭାରି ଭଲଲାଗେ
ପ୍ରକାଶ କୁମାର ଚାନ୍ଦ
ଭାରି ଭଲଲାଗେ ଶୀତ ସକାଳର
କଅଁଳିଆ ସୁନା ଖରା ,
ଭାରି ଭଲଲାଗେ ଧାନ ବିଲ ପରା
କୁହୁଡ଼ିରେ ଥିଲେ ଘେରା ।
ଭାରି ଭଲଲାଗେ ଦୁବଘାସ ପରେ
କାକାର ଟୋପାର ଛିଟା ,
ଭାରି ଭଲଲାଗେ ମେଘର କୋଳରେ
ଇନ୍ଦ୍ରଧନୁ ହେଲେ ଦେଖା ।
ଭାରି ଭଲଲାଗେ ଦୂରୁ ଦେଖିଦେଲେ
ସୋରିଷ ଫୁଲର କ୍ଷେତ ,
ଭାରି ଭଲଲାଗେ ଫଗୁଣେ କୋଇଲି
ଗାଉଥିଲେ ବସି ଗୀତ ।
ଭାରି ଭଲଲାଗେ ଆମ ଗାଆଁ ପାଖେ
ଅଙ୍କା ବଙ୍କା ସବୁ ନଈ ,
ଭାରି ଭଲଲାଗେ ନାଉରୀ ଭାଇଟି
ନାଆ ନେଉଥିଲେ ବାହି ।
ଭାରି ଭଲଲାଗେ ଗୋଧୂଳି ବେଳାରେ
ଗୋଠ ବାହୁଡ଼ିଲେ ଘର ,
ଭାରି ଭଲଲାଗେ ସଞ୍ଜେ ନୀଡ଼ଫେରା
ମାଳମାଳ ପକ୍ଷୀଙ୍କର ।
ଭାରି ଭଲଲାଗେ ମୋର ଗାଆଁ ମତେ
ଯୋଉଠି ମୁଁ ଜନମିଛି ,
ଭାରି ଭଲଲାଗେ ମୋର ମାଆ ମତେ
କଥା ଯିଏ ଶିଖେଇଛି ।