ବଳିଦାନୀ
ବଳିଦାନୀ
ଦୁଃଖ ନାହିଁ କିଛି କଷ୍ଟ ନାହିଁ କିଛି
ମାଟି ମାଆ ପାଇଁ . . . . . .
ହସି ଜୀବନ ମୁଁ ଦେବି ଆଜି ।
ଉତପ୍ତ ରୁଧିର ବହେ ଝରଝର ବକ୍ଷରୁ ମୋ ଏବେ . . . . . .
ଦେଖ ଶତ୍ରୁର ଗୋଳା ବାଜି ।୧।
ଶେଷ ରକ୍ତବିନ୍ଦୁ ଥିବାଯାଏ ମାଆ କରିଛି ଲଢ଼େଇ . . . . . .
ଆଦୌ ପଛଘୁଂଚା ଦେଇନାହିଁ ।
ଶତ୍ରୁସୈନ୍ୟଙ୍କୁ ମୁଁ ସୁଯୋଗ ଦେଇନିପବିତ୍ର ମୋ ଦେଶ . . . . . .
ମାଆ ମାଟିକୁ ଛୁଇଁବା ପାଇଁ ।୨।
ଦେଶସେବା ପାଇଁ ପାଇଲି ସୁଯୋଗ ଧନ୍ୟହେଲା ପ୍ରାଣ . . . . . .
ଆଉ ରହିବନି ଅବଶୋଶ ।
ଖ୍ୟାତି ମୁଁ ଚାହେଁନା ପଦକ ଚାହେଁନା ଆତ୍ମା ମୋର ଚାହେଁ . . . . . .
ସଦା ରହୁ ଭାରତର ଯଶ ।୩।
ଅବଶ ଆଖିରେ ନିଦ ଆସିଲାଣି ଅଳ୍ପକ୍ଷଣ ପରେ . . . . . .
ଚିରଦିନ ପାଇଁ ପଡ଼ିବି ଶୋଇ ।
ଶେଷଇଛା ମୋର ମାଆ ମତେ ତୋରକୋଳରେ ଧରି ତୁ . . . . . .
ଧୂଳି ପଣତରେ ଦେବୁ ଘୋଡ଼େଇ ।୪। _ _ _ . _ _ _
ସମୀର କୁମାର ସାହୁ
ଭୁବନେଶ୍ୱର