ଚକା ଆଖି

ସର୍ବଶୋଭାର ସ୍ଥଳ ଆହେ ଜଳାଶୟି

ଏ ଭବରେ ତୁମ ପରି ଦେଖିନି ତ କାହିଁ ।

ମୁଗ୍ ଧ ଯେଣୁ ଚକାଆଖି ଛବି ଦେଖି ତୁମ,

ତବ ଗୁଣ ଗାନେ ମଗ୍ନ ହେବାକୁ ମାେ ମନ ।

ଗୁଣାତିତ ଗୁଣମୟ ଅତି ଅନୁପମ,

ବିରାଟ ରୁ ବଡ ପୁଣି ସୁକ୍ଷ୍ମ ଠାରୁ ସୁକ୍ଷ୍ମ ।

କରୁଣା ଅନନ୍ତ ଧାରା ଢାଳିଦିଅ ସଦା,

ନାହିଁ ଭେଦା ଭେଦ ତହିଁ ପାଇବାରେ ବାଧା ।

ଏତିକି ପ୍ରାର୍ଥନା ପ୍ରଭୁ ଲଭି ସେ ପ୍ରସାଦ,

କରିବି ଜୀବନ ଧନ୍ୟ ମେଣ୍ଟିଯିବ ସାଧ ।

ସୁବିଶାଳ ଧରା ବକ୍ଷେ ହେଲେ ହେଁ ମୁଁ ନ୍ୟୁନ,

ତୋଳି ନିଅ ଶ୍ରୀ ଚରଣେ ହେ ଚକାନୟନ ।