ପଞ୍ଚକ
ପଞ୍ଚକ
କାର୍ତ୍ତିକ ଅଟଇ ହବିଷ ମାସଟେ
ଲଭିବା ପାଇଁକି ପୁଣ୍ୟ
ଶୁଦ୍ଧ ନିରାମିଷ ଭୋଜନ କରନ୍ତି
ପିଆଜ ରସୁଣ ଶୂନ୍ୟ ।
କାର୍ତ୍ତିକ ପୂର୍ଣ୍ଣିମା ପାଞ୍ଚଦିନ ଥିଲେ
ପଞ୍ଚକ ଯେ ଆସିଥାଏ
ଏହି ପାଞ୍ଚଦିନ ସଭିଙ୍କ ମନରେ
ଭକ୍ତିଭାଵ ଜନ୍ମିଥାଏ ।
ରାତି ନପାହୁଣୁ ଗାଧୋଇ ପାଧୋଇ
ନଈରେ ବାଲୁକା କରି
ଫୁଲ ଝୁଣା ଧୂପ ଦେଇସେ ପୂଜନ୍ତି
ପ୍ରଭୁଙ୍କୁ ମନେ ସୁମରି ।
ଗୀତା ଭାଗବତ କରନ୍ତି ପଠନ
ଧର୍ମ କାର୍ଯ୍ୟ ହୋଇ ମଗ୍ନ
ପ୍ରଭୁଙ୍କ ପାଖରେ ନିଜକୁ ସମର୍ପି
କରୁଥାନ୍ତି ତାଙ୍କୁ ଧ୍ୟାନ ।
ଜାଳି ଦେଉଥାନ୍ତି ଅକାଶଦୀପକୁ
ଶୂନ୍ୟ ଆକାଶକୁ ଚାହିଁ
କାର୍ତ୍ତିକ ଅଟଇ ପବିତ୍ର ମାସଟେ
ମାସ ମଧ୍ୟେ ସାର ସେହି ।