Audio

Forum

Read

Contests

Language


Write

Sign in
Wohoo!,
Dear user,
ବାପା
ବାପା
★★★★★

© Dr. Diptiranjan Behera

Inspirational

1 Minutes   13.6K    9


Content Ranking




ମୋର ମନେ ନାହିଁ ତୁମ ହାତଧରି

ଚାଲିବା ଶିଖିଛି ବୋଲି

ହେଲେ ଭୁଲି ନାହିଁ ଟେକି ନିଅ କାନ୍ଧେ

ଥକି ଯିବି କାଳେ ଚାଲି ||


ଯେବେ ଯେବେ ମୁଁ ଅଝଟ ହୋଇଛି

କୋଳକୁ ନେଇଛ ଟାଣି

ସବୁ ଆଣି ଦିଅ ଯାହା ଦରକାର

କହିବା ଆଗରୁ ଜାଣି ||


ସଦା ଚାହଁ ତୁମେ ନୟନୁ ମୋହର

ନଝରୁ ଲୁହର ଟୋପା

ସେଥିପାଇଁ ବୋଧେ ନିଜେ ଦୁଃଖ ସହି

ଖୁସିରେ ରଖିଛ ବାପା ||


ଅମାନିଆ ହେଲେ କେତେ ଯେ ବୁଝାଅ

ନଦେଇ କେବେ ବି ଗାଳି

ଫୁଲ ଟିଏ ପରି ସଦା ଯତ୍ନ ନିଅ

ସାଜି ବଗିଚାର ମାଳି ||


ଜୀବନର ପଥ ପାରି ହେବାପାଇଁ

ଯେବେ ମୁଁ ବିଫଳ ହୁଏ

ନିରାଶା ଆଗରୁ ସାହସ ଦେଇଛ

ପିଠି ଥାପିବାର ପାଏ ||


ହାରିବା ଶିଖିନି ଜୀବନେ ମୋହର

କେବଳ ତୁମରି ପାଇଁ

ପଡିବା ଆଗରୁ ସମ୍ଭାଳି ନେଇଛ

ସଦାବେଳେ ତୁମେ ଧାଇଁ ||


ବାସ୍ତବ ଜୀବନେ ତୁମେ ମୋ ନାୟକ

ଆଦର୍ଶ ତୁମେ ମୋ ବାପା

ସାହାଯ୍ୟ କରିଛ ସମସ୍ତଙ୍କୁ ସଦା

ନହୋଇ କେବେ ବି ଖପା ||


ଆକାଶଠୁ ବଡ ନଦୀଠୁ ବିସ୍ତାର

ତୁମପରି କେହି ନାହିଁ

ତୁମ ପାଦତଳେ କୋଟି ଯେ ପ୍ରଣାମ

ପୂଜୁଥିବି ନୀତି ମୁହିଁ ||


ସବୁ ଜନମରେ ତୁମରି କୋଳରେ

ଜନମ ଲଭିବା ପାଇଁ

ଗୁହାରି କରୁଛି ଆହେ ମହାବାହୁ

ବିନତି ଘେନିବ ସାଇଁ ||


-

ବାପା ଜୀବନ ଆକାଶ

Rate the content


Originality
Flow
Language
Cover design

Comments

Post


Some text some message..