STORYMIRROR

SACHALA GURU

Inspirational

3  

SACHALA GURU

Inspirational

ଶିକ୍ଷକ

ଶିକ୍ଷକ

1 min
245


ଗୁରୁ ବିନା କେହି ଫଳ ପ୍ରାପ୍ତି ନାହିଁ

ଜୀବନ ହୁଅଇ ଶୂନ୍ୟ

ଅଜ୍ଞାନ ଦୁରେଇ ଜ୍ଞାନା ଲୋକ ଦେଇ

ସୁପଥ କରଇ ପୂଣ୍ୟ ||


ଶିକ୍ଷକ ଶିଷ୍ୟର ମାର୍ଗ ପ୍ରଦର୍ଶକ

ଜ୍ଞାନ ଆଲୋକ ଦିଅଇ

ତାଙ୍କରି ଜ୍ଞାନରେ ଭିନ୍ନ ଭିନ୍ନ ଶିଷ୍ୟ

ଭିନ୍ନ ଯୋଗ୍ୟତା ଲଭଇ ||


ବିଦ୍ୟାଳୟ ଅଟେ ଛାତ୍ରର ଚରିତ୍ର

ନିର୍ମାଣର କାରଖାନା

ବିଦ୍ୟା, ଜ୍ଞାନ ଦାତା ସୃଷ୍ଟିର କରତା

ଶିକ୍ଷକ ଦିଅଇ ସିନା ||


ଶିକ୍ଷକ ଚରିତ୍ର ମହାନ ବ୍ୟକ୍ତିତ୍ୱ

ସତ୍ୟ, ଧର୍ମେ ପ୍ରସ୍ଫୁଟିତ

ଜ୍ଞାନର ଦକ୍ଷତା ଶିକ୍ଷା ସକ୍ରିୟତା

ଭିନ୍ନେ ଜ୍ଞାନେ ବିକଶିତ ||


ମୂଲ୍ୟବୋଧ ଜ୍ଞାନ ଆଦର୍ଶ ସମାନ

ପବିତ୍ର ହୃଦୟ ସ୍ପର୍ଶି

ଶିଷ୍ୟର ହୁଅଇ ଚରିତ୍ର ନିର୍ମାଣ

ଶକ୍ତି ବୁଦ୍ଧି ଗରୀୟସୀ ||


ଉତ୍ତମ ଶିକ୍ଷାର ପ୍ରଜ୍ୱଳନ କରେ

ବଢ଼ଇ ଶିଷ୍ୟର ଜ୍ଞାନ

ଶିକ୍ଷା ବିନା ଶିଷ୍ୟ ନ ହୁଏ ଅବଶ୍ୟ

ହୁଅଇ ପଶୁ ସମାନ ||


ଉଚ୍ଚକୋଟୀ ଶିକ୍ଷା, ପ୍ରେମ, ଦୟା, କ୍ଷମା

ଭାଷାର ପୂର୍ଣ୍ଣତା ଥାଇ

ଶିକ୍ଷାର

ଉଦ୍ଦେଶ୍ୟ ଉନ୍ନତିର ପଥ

ପ୍ରତି ପଦକ୍ଷେପେ ରହି ||


ଶିକ୍ଷକଙ୍କର ନିଷ୍ଠା ଜ୍ଞାନ ଦା ଶ୍ରେଷ୍ଠା

ଶିକ୍ଷା ଦିଏ ପରାକାଷ୍ଠା

ଗୁରୁଙ୍କର ବିନା ଶିଷ୍ୟ ଲଭେ ନାହିଁ

ପ୍ରକୃତ ପ୍ରାଣ ପ୍ରତିଷ୍ଠା ||


ଉତ୍ତମ ଚରିତ୍ର ପବିତ୍ର ବ୍ୟକ୍ତିତ୍ୱ

ଶିକ୍ଷକ ନିର୍ମଳ ଚିତ୍ତ

ବୈଷୟିକ ଜ୍ଞାନ କରଇ ପ୍ରଦାନ

ଶିଷ୍ୟ ମନ ପ୍ରଫୁଲିତ ||


ଭିନ୍ନ ଭିନ୍ନ ଜ୍ଞାନ ପ୍ରଦାନ କରନ୍ତି

ସ୍ନେହପୂର୍ଣ୍ଣ ଶ୍ରଦ୍ଧା କଣ୍ଠେ 

ଶିଷ୍ୟର ଆଗ୍ରହ ପ୍ରେରଣା ଯୋଗାଏ

ଜ୍ଞାନ ପ୍ରକାଶିତ ଶ୍ରେଷ୍ଠେ ||


ସତ୍ୟ, ନ୍ୟାୟ, ଧର୍ମେ, ଦୟା, କ୍ଷମା, ସ୍ନେହ

ଆଦର୍ଶ ଗୁଣକୁ ନେଇ

ସମାଜ ଜାତିକୁ ଦେଶ ବିଦେଶକୁ

ଉଚ୍ଚକୋଟୀର କରଇ ||


ଶିକ୍ଷକର ଯଦି ଶିଷ୍ୟେ ନାହିଁ ଟାଣ

ଗଢିବ କିପରି ପ୍ରାଣ

ଶିଷ୍ୟର ଜୀବନ ହେବ ଅକାରଣ

କିଏ କରାଇବ ତ୍ରାଣ ||


ଗୁରୁ ବିନା ଜ୍ଞାନ ନ ହୁଏ ପ୍ରଦାନ

ଶିକ୍ଷା ଦିଏ ସଦାଚାର

ଜ୍ଞାନ ପ୍ରଦର୍ଶକ ଆଶାର ଆଲୋକ

ମାର୍ଜିତ କରେ ସଂସାର ||



Rate this content
Log in

Similar oriya poem from Inspirational